Kókshetaýda qujat jasaıtyn jasyryn tseh anyqtaldy
KÓKShETAÝ. QazAqparat – Kókshetaýda 41 jastaǵy er adamnyń ár túrli qujattardy jasyryn tsehta jasap kelgeni anyqtaldy, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, er adam joǵary jáne arnaıy oqý oryndarynyń dıplomy, júrgizýshi kýáligi, jeke kýálik, tólqujat, QR jáne RF tehnıkalyq pasporty men tehnıkalyq baıqaý qujattaryn qoldan jasap, satyp kelgen. Turǵylyqty mekenjaıy boıynsha tekseris kezinde ol jerden zańsyz ispen aınalysqan qural-jabdyq, noýtbýk, jalǵan mór, prınter, lamınator, uıaly telefon fleshka tárkilendi.
«Qazirgi kezde Qylmystyq kodekstiń 385 babynyń 2 bóligi boıynsha teregý amaldary júrgizilýde. Kúdikti 2004 jyly da osy bap boıynsha qylmystyq jazaǵa tartylǵan», - deıdi vedomstvodan.
Aıta keteıik, jyl basynan beri óńirdiń tártip saqshylary QR QK 385 baby boıynsha 100 astam is qozǵaǵan.
