Kókshetaýda kýrsantty urǵan azamattyq qorǵaý akademııasynyń qyzmetkerine sot úkimi shyqty
Aqmola oblystyq soty baspasóz qyzmetiniń málimetinshe, qylmystyq is kelisý óndirisinde qaraldy.
«Sot anyqtaǵandaı, M.Ǵabdýllın atyndaǵy azamattyq qorǵaý akademııasynyń 1-kýrs bólimshesiniń oqý-saptyq vzvodynyń komandıri K. akademııa jataqhanasynyń ǵımaratynda, kýrsanttardyń jeke bos ýaqytynda jarǵylyq tártipti buza otyryp, tártip pen ishki tártip jaǵdaıy týraly áńgime júrgizý nıetimen kýrsanttardy shaqyrǵan. Áńgime barysynda kámeletke tolmaǵan kýrsant N. basynan metall qubyrmen uryp, onyń densaýlyǵyna jeńil zııan keltirgen.
Іs júrgizý kelisimimen K. ókilettigin asyryp, kámeletke tolmaǵan N. denesine zııan keltirgenin, ıaǵnı óziniń kinásin moıyndady», - dep atap ótti vedomstvodan.
Sot qylmystyq jaýaptylyqty jeńildetetin mán-jaılardy jáne sottalýshynyń ókinýi, belsendi túrde qylmystyq quqyq buzýshylyqty ashýǵa yqpal etýi, sottalmaǵandyǵy tárizdi birqatar mán-jaılardy eskerdi.
Aqmola oblysy Kókshetaý qalalyq sotynyń úkimimen K. 1-tarmaqta kózdelgen qylmysty jasaǵany úshin kináli dep tanyldy.
QR QK 362-babynyń 4-bóligi (bılikti jáne laýazymdyq ókilettikterdi asyra paıdalaný) jáne oǵan shartty túrde, synaq merzimimen bes jyl merzimge bas bostandyǵynan aıyrý jazasy taǵaıyndaldy. Er adam «Azamattyq qorǵaýdyń aǵa leıtenanty» arnaýly ataǵynan aıyryldy.
«Probatsııalyq baqylaý ornatylyp, oryndaý mindetteri júkteldi: turaqty turǵylyqty jerin, jumysyn ózgertpeý, ýákiletti memlekettik organnyń ruqsatynsyz basqa jerlerge ketpeý. Sottalǵan K.-dan jábirlenýshilerdiń ótemaqy qoryna 20 aılyq eseptik kórsetkish mólsherinde 58340 teńge jáne júrgizilgen saraptamalar úshin sot shyǵyndary óndirip alyndy», - dep tolyqtyrdy vedomstvodan.
Sot úkimi zańdy kúshine engen joq.
