Kókshetaýda quny 239 mlrd teńgege JEO salý josparda bar - Almasadam Sátqalıev

KÓKShETAÝ. QazAqparat - QR Energetıka mınıstrliginiń basshysy Almasadam Sátqalıev Stepnogor qalasynyń turǵyndary aldynda esep berý kezdesýin ótkizip, onda Aqmola oblysynyń otyn-energetıka kesheniniń qyzmeti týraly aıtyp, turǵyndardyń saýaldaryna jaýap berdi, dep habarlaıdy QazAqparat tilshisi.

Kezdesýde mınıstr jalpy Aqmola óńiriniń otyn energetıka kesheni aǵymdaǵy jaǵdaıy týraly baıandady. Óńirdiń elektr energetıkasy týraly aıta kele, mınıstr Kókshetaýda elektr qýaty 240 MVt bolatyn JEO salý josparlanyp otyrǵanyn atap ótti. Qurylystyń jalpy quny – 239 mlrd. teńgeden asady.

Jobany iske asyrýdy bıylǵy jyldyń kúzinde ótkiziletin elektr qýaty naryǵynda tender ótkizý arqyly júzege asyrý josparlanýda. Qazirgi tańda óńirdi jylýmen qamtamasyz etý ózekti máselelerdiń biri bolyp otyr. Qoldanystaǵy jylý kózderiniń tozý deńgeıi joǵary (Stepnogor JEO 81,7%, «Kókshetaý Jylý» MKK qazandyqtary 63,1%).

«Turǵyn úılerdiń, áleýmettik nysandar men ǵımarattardyń qarqyndy qurylysy júrgizilip jatqanyn eskersek, aldaǵy ýaqytta aýdandyq qazandyqtardyń jumys istep turǵan jylý qýaty jetkiliksiz. Jylý energııasynyń tapshylyǵyn jabý úshin Kókshetaý JEO qurylysy qarastyrylýda, onyń jylý qýaty saǵatyna 520 Gkal quraıdy», - dedi mınıstr.