Qostanaı oblysynda 5 jasar balanyń ólimine qatysy bar kúdikti ustaldy
ASTANA. KAZINFORM — Qostanaı oblysynyń Qusmuryn aýylynda bes jasar bala basy jáne dene jaraqattarynan qaıtys boldy. Onyń ólimine qatysy bar degen kúdikti ustaldy, dep habarlaıdy Kazinform.
Oblystyq prokýratýranyń málimetinshe, qaıǵyly oqıǵa 26 qazanda bolǵan. Áýlıekól aýdandyq polıtsııa bólimi sotqa deıingi tergep-tekserýdi bastady.
Kúdikti sol kúni ustalǵan. Onyń áreketteri Qazaqstan Respýblıkasynyń Qylmystyq kodeksiniń «Kámeletke tolmaǵan adamdy óltirý» baby boıynsha tergelip jatyr. Sot ony qamaýǵa alýǵa sanktsııa berdi.
Qazirgi ýaqytta qajetti tergeý amaldary júrip jatyr. Tergeý Qostanaı oblystyq prokýratýrasynyń baqylaýynda. Tergeý múddesi úshin istiń qosymsha málimetteri qupııa saqtalyp otyr.
Buǵan deıin Qyzylordada Qyzylordada jasóspirimniń ólimine qatysty qylmystyq is qozǵalǵanyn habarlaǵan edik.
