Kókshetaýda QR TJM Azamattyq qorǵaý akademııasynyń 146 kýrsanty ant qabyldady
QR Tótenshe jaǵdaılar mınıstrligi Málik Ǵabdýllın atyndaǵy Azamattyq qorǵaý akademııasynyń 1-kýrsyna alǵash ret qabyldanǵan 146 kýrsanttyń saltanatty túrde ant berý rásimi Kókshetaý qalasyndaǵy «Táýelsizdik» alańynda ótti.
Saltanatty sharaǵa Qazaqstan Respýblıkasynyń Tótenshe jaǵdaılar mınıstri ıÝrıı Ilın, Aqmola oblysynyń ákimi Ermek Marjyqpaev, sondaı-aq Tótenshe jaǵdaılar mınıstrliginiń bólim basshylary men azamattyq qorǵaý organdarynyń ardagerleri qatysty.
«Memleket basshysy Qasym-Jomart Toqaev Qazaqstan halqyna Joldaýynda qazirgi kezde qorǵanys qabiletin nyǵaıtý, qaýip-qaterge qarsy áreket etýdi joǵarylatý óte mańyzdy ekenin atap ótti. Bul máseleni sheshýde Mınıstrliktiń rólin atap ótpeý múmkin emes. Búginde onyń myńdaǵan qyzmetkeri men áskerı qyzmetshileri joǵary kásibı jáne azamattyq qasıetterdi kórsete otyryp, barlyq qaýipterge berik jáne abyroımen qarsy turady. Tótenshe jaǵdaılardyń aldyn alý jáne olardy joıý salasyndaǵy bolashaq jeńister men tabystardyń negizi búgin bizdiń vedomstvolyq oqý ornynyń qabyrǵasynda qalanýda. Men búgin saltanatty quramda turǵan jastar eshqandaı jaǵdaıda da kýrsanttyń joǵary abyroıyn joǵaltpaıtynyna senimdimin», - dedi ıÝrıı Ilın.
Rásim aıaqtalǵan soń kýrsanttar alań arqyly júrip ótti.
Eske salaıyq, bıyl QR Úkimetiniń qaýlysymen Tótenshe jaǵdaılar mınıstrliginiń Kókshetaý tehnıkalyq ınstıtýtyna Málik Ǵabdýllın atyndaǵy Azamattyq qorǵaý akademııasynyń mártebesi berildi.
El táýelsizdik alǵan jyldar ishinde Akademııa tabıǵı jáne tehnogendik sıpattaǵy tótenshe jaǵdaılardan jeke adamnyń, qoǵamnyń jáne memlekettiń qaýipsizdigin qamtamasyz etetin asa jaýapty jáne qıyn ýchaskelerde kúndiz-túni qyzmet etetin 5000-nan astam mamandy daıarlap shyǵardy.
Búginde Akademııa 4 bilim berý baǵdarlamasy boıynsha bilikti mamandardy daıyndaıdy: «Órt qaýipsizdigi», «Tótenshe jaǵdaıda qorǵaý», «Azamattyq qorǵanystyń komandalyq-taktıkalyq kúshteri» jáne «Órt sóndirý jáne avarııalyq-qutqarý isi».
Úkimetaralyq kelisimderdi oryndaý sheńberinde jyl saıyn 20 qazaqstandyq kýrsant Reseı men Belarýs Respýblıkasynyń TJM mamandandyrylǵan sheteldik joǵary oqý oryndaryna oqýǵa jiberiledi (Memlekettik órtke qarsy qyzmet akademııasy - 5 úmitker, AGZ – 5, Memlekettik órtke qarsy qyzmetiniń Sankt-Peterbýrg ýnıversıteti - 5, Belarýs Respýblıkasynyń azamattyq qorǵaý ýnıversıteti - 5).
Sonymen qatar Qazaqstan Respýblıkasy men Qyrǵyz Respýblıkasynyń Úkimeti arasyndaǵy ekijaqty úkimetaralyq kelisimder sheńberinde qazirgi ýaqytta memlekettik bilim berý tapsyrysyna sáıkes Akademııada Qyrǵyz Respýblıkasynyń 11 azamaty bilim alýda.
