Kókshetaýda QR Eńbegi sińgen mádenıet qyzmetkeriniń qurmetine memorıaldy taqta ashyldy
KÓKShETAÝ. QazAqparat - Kókshetaýda QR Eńbegi sińgen mádenıet qyzmetkeri Manarbek Bekseıitovtiń qurmetine memorıaldy taqta ashyldy. Gagarın kóshesiniń boıyndaǵy №54 úıdiń qabyrǵasyna ornatylǵan taqtanyń ashylýy saltanatyna óner ıesiniń týǵan-týystary, burynǵy áriptesteri, izbasarlary men zııaly qaýym ókilderi qatysty, dep habarlaıdy «QazAqparat» HAA tilshisi.
Jıynda Kókshetaý qalasynyń qurmetti azamaty, densaýlyq saqtaý isiniń ardageri Bolat Janádilov, Kókshetaý qalasy ákiminiń orynbasary Altynaı Ámirenova sóz sóılep, Manarbek Qasymulynyń azamattyq ajary men kisilik kelbetin, ulaǵatty ustazdyq jolyn, ǵıbratty ǵumyryn tilge tıek etti.
Sonymen qatar, osy kúni oblystyq fılarmonııada «Qaldyrǵan izi máńgilik» atty estelik kitaptyń tusaýkeseri bolyp ótti.
