Kókshetaýda kottedjdi órtep jibergen tonaýshy stýdent ustaldy
KÓKShETAÝ. QazAqparat - Kókshetaýda kottedjdi tonap, keıin órtep jibergen 18 jastaǵy stýdent ustaldy, dep habarlaıdy QazAqparat tilshisi
Oblystyq ІІD baspasóz qyzmetiniń málimeti boıynsha 13 qyrkúıekte oblys ortalyǵynyń 57 jastaǵy turǵynynan órt týraly habar túsken. Aryzdanýshynyń sózinshe, úı ıesi joq kottedjge belgisiz bireýler ot qoıǵan.
«Oqıǵa ornyna jetken polıtseıler kottedjdiń qasaqana órtelgenin anyqtady. Kúndiz belgisiz bireýler plastık terezeni buzyp kirip, 3,5 mıllıon teńgeniń altyn buıymdaryn jymqyrǵan. Keıin qylmystyń izin jasyrý úshin úıdi órtep jibergen. Úıdiń ıesine 28,5 mln teńge kóleminde materıaldyq shyǵyn keltirilgen.
Jedel izdestirý sharasy barysynda kúdikti retinde Soltústik Qazaqstan oblysy Aqjar aýdanynyń 18 jastaǵy turǵyny ustaldy. Kúdiktiniń Kókshetaýdaǵy kolledjderdiń birinde oqıtyn stýdent ekeni anyqtaldy», dep túsindirdi polıtseıler.
Qazirgi kezde osy oqıǵaǵa baılanysty QR QK 202-babynyń 3-bólimi 2- tarmaqshasy jəne 188-baptyń 3-bólimi boıynsha sotqa deıingi is qozǵaldy.
