Kókshetaýda kóshede tóbeleskender ustaldy

KÓKShETAÝ. QazAqparat – Kókshetaýda túnde kóshede tóbelesken buzaqylar ustaldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, narýyzdyń 31 kúni saǵat 02:34-te Kókshetaý qalalyq PB kezekshi bólimine oblys ortalyǵynyń 24 jastaǵy turǵyny habarlasyp, «Sheıh» saýda úıiniń mańynda beıtanys bireýler onyń tanysyna dene jaraqatyn salǵanyn aıtty.

«Aıtylǵan jerge dereý jetken polıtsııa qyzmetkerleri mas kúıinde bolǵan Kókshetaý qalasynyń 22 jáne 24 jastaǵy úsh turǵynyn ustady», - dedi vedomstvodan.

Anyqtalǵandaı kúdiktiler kóligimen júrip bara jatqan 20 jastaǵy jigitti ózderiniń kóligimen qýyp jetip, jol bógegen. Artynsha, kóliginen kúshtep shyǵaryp, sabap dene jaraqatyn salǵan. Sonymen birge, buzaqylar onyń kóliginiń aldyńǵy jáne artqy áınegin syndyrdy.

«Qazirgi ýaqytta osyǵan baılanysty Qylmystyq kodekstiń 293-baby boıynsha sotqa deıingi tergeý amaldary júrgizilýde», - dep tolyqtyrdy vedomstvodan.