Kókshetaýda koronavırýstan kóz jumǵan medbıkeniń otbasyna ótemaqy taǵaıyndaldy
KÓKShETAÝ. QazAqparat – Kókshetaýda koronavırýs ınfektsııasynan qaıtys bolǵan Aıjan Berkishevanyń otbasyna «Nur Otan» partııasynyń aralasýymen bir rettik áleýmettik járdemaqy tóleý máselesi sheshildi, dep habarlaıdy QazAqparat tilshisi «Nur Otan» partııasy Aqmola oblystyq fılıalynyń baspasóz qyzmetine silteme jasap.
Vedomstvonyń málimetinshe, tamyz aıynyń ortasynda «Nur Otan» partııasy óńirlik fılıalynyń qoǵamdyq qabyldaýyna Saǵyndyq Berkishev ótinish bergen. Onda ol áıeli Aıjannyń koronavırýs ınfektsııasynan qaıtys bolýyna baılanysty ótemaqy alý máselesin kótergen.
Aıjan bastaýysh medıtsınalyq-sanıtarlyq kómek ortalyǵynda medbıke bolyp jumys istegen. Alaıda, epıdemııaǵa qarsy sharalarǵa tartylyp, blokposta qaýipti dertti juqtyryp alǵan. Onyń artynda úsh balasy qaldy.
Partııanyń oblystyq fılıalynyń partııalyq baqylaý komıssııasynyń otyrysynda qosymsha aqshy tóleý, sondaı-aq, koronavırýs ınfektsııasynan qaıtys bolǵan Aıjan Berkishevanyń otbasyna ótemaqy tóleý máselesi keńinen talqylandy.
Bir rettik áleýmettik ótemaqy tóleý erjesine sáıkes Aıjannyń otbasyna bir rettik áleýmettik ótemaqy tóleý boıynsha materıal Aqmola oblysynyń áleýmettik saqtandyrý memlekettik qorynyń qaraýyna joldanypty.
«Ondaǵylar blokposta turǵan medıtsına qyzmetkerleri buıryqtyń erejesine saı kelmeıtinin aıtyp, atalmysh otbasyna ótemaqy tóleýden bas tartqan. Sol sebepti QR Densaýlyq mınıstrligine resmı saýal joldandy. Onda epıdemııaǵa qarsy sharalar kezinde óziniń fýnktsıonaldy mindettin oryndaý kezinde qaıtys bolǵandarǵa áleýmettik ótemaqy tóleý týraly erejeni qaıta qarap, ózgeris engizý usynyldy», - dedi «Nur Otan» partııasy Aqmola oblystyq fılıalynyń baspasóz hatshysy Dınara Dúısen.
Blokposta karantındi qamtamasyz etetin densaýlyq saqtaý qyzmetkerlerin erejege engizý týraly usynys eskerildi. Materıaldardy qaraý kezinde Aıjan Berkishevanyń otbasyna bir rettik áleýmettik ótemaqy taǵaıyndaldy.
