Kókshetaýda koronavırýs juqtyrǵan júkti áıel deni saý balany dúnıege ákeldi

KÓKShETAÝ. QazAqparat - Kókshetaýda jaqynda ashylǵan juqpaly aýrlar ortalyǵynda emdelip jatqan alǵashqy júkti áıel aman-esen bosanyp, ul balany dúnıege ákeldi, dep habarlaıdy QazAqparat tilshisi.

Júkti áıeldi Aqmola oblysyndaǵy úzdik gınekolog, qalalyq aýrýhananyń bas dárigeriniń orynbasary Sarjan Qalmuratov bosandyryp aldy.

«Áıeldiń merzimi jetkendikten juqpaly aýrýlar ortalyǵynyń júkti áıelderge arnalǵan bólimshesinde shuǵyl kesar tiligi arqyly bosandyryp aldyq. Ul bala dúnıege keldi. Bári sátti ótti», - deıdi bas dáriger.

Qazirgi kezde náresteniń jáne anasynyń jaǵdaıy jaqsy. Náresteden koronavırýs ınfektsııasyna alynǵan synama teris nátıje kórsetti.

Ekinshi PTR test úsh kúnnen keıin alynady.

Búginde juqpaly aýrýlar ortalyǵynda koronavırýs ınfektsııasyn juqtyrǵan júkti áıeldermen birge jańa týǵan náresteler de emdelip jatyr.

Mundaǵy naýqastardyń jalpy sany - 38 adam.

Aıta keteıik, Aqmola oblysynda koronavırýs ınfektsııasyna qatysty jaǵdaı turaqtala bastady. Sol sebepti óńir qaýpi boıynsha sary aımaqqa enip otyr.