Kókshetaýda kópqabatty úı órtenip, 30 adam evakýatsııalandy
KÓKShETAÝ. QazAqparat - Kókshetaýda kópqabatty turǵyn úı órtenip, 30 adam evakýatsııalandy, onyń 10-y balalar, dep habarlaıdy QazAqparat tilshisi Aqmola oblystyq TJD baspasóz qyzmetine silteme jasap.
Vedomstvonyń málimetinshe, órt búgin mamyrdyń 11-de Býdennyı kóshesi 60 meken-jaıy boıynsha ornalasqan kópqabatty turǵyn úıde bolǵan. Órt týraly saǵat 04:18 habarlandy.
«Órt aýmaǵy 30 sharshy metrdi qurady. Odan 30 adam evakýatsııalandy, onyń 10-y balalar. Tilsiz jaýdy aýyzdyqtaýǵa oblystyq TJD jeke quramynan 22 adam jáne 6 órt sóndirý tehnıka jumyldyryldy. Órt saǵat 04:40 aýyzdyqtalyp, 04:48 sóndirildi. Qazirgi kezde órttiń shyǵý sebebi anyqtalyp jatyr», - dedi vedomstvodan.
