Kókshetaýda kópqabatty turǵyn úıden órt shyǵyp, 80-ge jýyq adam kóshirildi
KÓKShETAÝ. QazAqparat - Kókshetaýda kópqabatty turǵyn úıden órt shyǵyp, 80-qa jýyq turǵyn qaýipsiz jerge shyǵaryldy, dep habarlaıdy QazAqparat tilshisi QR ІІM TJK resmı ókili Rýslan Imanqulovqa silteme jasap.
Órt «Jansaıa» shaǵyn aýdanyndaǵy 9 qabatty jańa turǵyn úıdegi páterlerdiń birinen shyqty.
«Tilsiz jaýdy aýyzdyqtaýǵa Kókshetaý qalalyq TJB jeke quramynan 18 qyzmetker men 4 arnaıy tehnıka tartyldy. Oqıǵa ornynan 80-ge jýyq turǵyn qaýipsiz jerge shyǵaryldy», - dep túsindirdi R.Imanqulov QazAqparat tilshisiniń saýalyna.
Órt sóndirýshilerdiń aldyn ala málimeti boıynsha, órt elektr symdarynyń qysqa tuıyqtalýynan shyqqan.
