Kókshetaýda kópqabatty turǵyn úıden órt shyǵyp, 25 adam evakýatsııalandy
KÓKShETAÝ. QazAqparat - Kókshetaýda kópqabatty turǵyn úıden órt shyǵyp, 25 adam evakýatsııalandy, dep habarlaıdy QazAqparat tilshisi oblystyq Tótenshe jaǵdaılar departamenti baspasóz qyzmetine silteme jasap.
Vedomstvonyń málimetinshe, órt búgin tamyzdyń 31-de Tileýlına kóshesiniń boıyndaǵy turǵyn úıdiń 4 qabatyndaǵy páterden shyqty.
«Saǵat 16:50 Aqmola oblysy Tótenshe jaǵdaılar departamenti Jedel basqarý kúshteri men quraldarynyń pýltine atalmysh meken-jaı boıynsha ornalasqan turǵyn úı órtenip jatqandyǵy týraly habar tústi. Oqıǵa ornyna TJD jeke quramynan 28 qyzmetker jáne 6 arnaıy órt sóndirý tehnıkasy jumyldyryldy», - dedi vedomstvodan.
Aldyn ala anyqtalǵan málimetter boıynsha, órtten páterdiń balkony, jatyn bólme, dálizine zııan kelgen. Jalyn 30 sharshy metr aýmaqty sharpydy. Qaza bolǵandar men zardap shekkender joq.
«Órttiń saldarynan atalmysh turǵyn úıdiń 25 turǵyny evakýatsııalandy», - dep tolyqtyrdy vedomstvodan.
