Kókshetaýda kópqabatty turǵyn úıdegi órtten 40-qa jýyq adam evakýatsııalandy
KÓKShETAÝ. QazAqparat - Kókshetaýda kópqabatty turǵyn úıdegi órtten 37 jýyq adam evakýatsııalandy, onyń 7-ýi bala, dep habarlaıdy QazAparat tilshisi Aqmola oblystyq TJD baspasóz qyzmetine silteme jasap.
Vedomstvonyń málimetinshe, órt Pýshkına 11 mekenjaıy boıynsha ornalasqan turǵyn úıde bolǵan.
«Órtten 37 adam evakýatsııalandy, onyń 7-ýi bala. Tilsiz jaýdy aýyzdyqtaýǵa TJD jeke quramynan 13 adam men eki arnaıy tehnıka jumyldyryldy. Saǵat 17:49 shamasynda órt aýyzdyqtalyp, sóndirildi. Qazirgi kezde órttiń shyǵý sebebi men keltirilgen materıaldyq shyǵyny eseptelýde», - dep túsindirdi vedomstvodan.
