Kókshetaýda kópirden sekirmek bolǵan áıel «102»-ge habarlasqan

Oblystyq Polıtsııa departamenti baspasóz qyzmetiniń málimetinshe, 4 qyrkúıek kúni, saǵat 12:36 shamasynda Kókshetaý qalalyq PB Jedel basqarý ortalyǵynyń 102 jelisine jergilikti turǵyn – 34 jastaǵy áıel habarlasqan.

Áıel otbasyndaǵy qıyn jaǵdaı ony kúızeltkeni jáne ol ózin-ózi óltirý nıetimen temirjol kópirine (Kókshetaý stantsııasyndaǵy temirjol ústinen ótetin) bara jatqanyn aıtqan.

“Aqparat dereý polıtsııanyń barlyq patrýldik ekıpajdaryna joldandy. Ýaqyt utý úshin Jedel basqarý ortalyǵynyń ınspektorlary telefon arqyly áıeldiń mundaı áreketke barýy sebebin surap, uzaq sóılesýge tyrysty.

Osy ýaqytta avtopatrýl ekıpajy, vzvod komandıri, polıtsııa kapıtany Oleg Gerasımov pen BPP ınspektory, polıtsııa leıtenanty Qanat Maǵýbaev aıtylǵan jerge eki mınýtta jetti”, - dedi vedomstvodan.

Tártip saqshylary men sol mańnan ótip bara jatqan kýágerler kópirden sekirýge tyrysqan áıeldi ustap qaldy.

“Qazirgi ýaqytta polıtseıler áıeldi qutqarýda belsendilik tanytqan er adam men qyzdyń jeke basyn anyqtap jatyr”, - dep tolyqtyrdy vedomstvodan.