Kókshetaýda Qopa kóliniń jaǵasy abattandyrylýda
KÓKShETAÝ. QazAqparat - Kókshetaýda Qopa kóliniń jaǵasyn qalpyna keltirý jumystary júrgizilýde. Bul týraly aımaq basshysy Məlik Myrzalınniń oblys ortalyǵyndaǵy əleýmettik-óndiristik, kommýnaldyq nysandardy aralaǵan kezinde aıtyldy, dep habarlaıdy "QazAqparat" HAA tilshisi oblys ákiminiń baspasóz qyzmetine silteme jasap.
Aımaq basshysy aldymen Kókshetaý qalasynyń 2030 jyldarǵa deıingi detaldyq josparlaý jobasymen tanysty. Onyń ishinde Qopa kóliniń jaǵasyn qalpyna keltirý jumystary qarastyrylǵan. Qazirgi kezde kól jaǵasyn boılaı ornalasqan eski úıler súrilip, abattandyrý jumystary júrgizilýde.
Jalpy, bul aýmaqtaǵy 31 úıdi súrý josparlanǵan. Ol úshin qala bıýdjetinen 384 mıllıon teńge qarastyrylǵan. Aǵymdaǵy jyldyń aqpanynda osy aýmaqtaǵy jer telimderi men jyldymaıtyn múlikti memleket qajettiligine alý týraly Kókshetaý qalasy ákiminiń qaýlysy shyqqan bolatyn.
"Turǵyn úı kommýnaldyq sharýashylyǵy, jolaýshylar kóligi jáne avtomobıl joldary bólimimen Beregovaıa kóshesiniń boıyndaǵy jyldymaıtyn múlkimen birge jer telimderin satyp alý týraly kelisim sharalary júrgizildi", dep túsindirdi qala ákimi Ermek Marjyqpaev.
Aımaq basshysy kól jaǵasy aýmaǵyn abattandyrý qajettigin aıta kele, bul baǵytta qolǵa alynǵan jobany qoldaıtynyn aıtty.
Sonymen qatar Məlik Myrzalın Gorkıı-Severnyı jəne Gorkıı-Əýezov kósheleriniń qıylysyndaǵy kólik aǵynyn retteý úshin jol aıyryǵyn salý josparymen tanysty.
Oǵan qosa aımaq basshysy Kaptsevıch jəne 8 Naýryz kósheleriniń boıyndaǵy sý kirgen úılerdegi sý sorý jumystarymen tanysty.
Oblystyq TJD basshysy Alekseı Sovetovtyń məlimeti boıynsha sý sorý sharalaryna tartylǵan tehnıkalar təýlik boıy úzilis jumys istep, sý basqan aýmaqtar sýdan tazartyldy.
Aımaq basshysy tıisti qyzmetterge oblys jəne qala boıynsha sý tasqynynyń qaýpi joǵary aýmaqtardy qatań baqylaýda ustaýdy tapsyrdy.
