Kókshetaýda kóp qabatty turǵyn úıden órt shyǵyp, 35 adam evakýatsııalandy
Aqmola oblystyq TJD baspasóz qyzmetiniń málimetinshe, órt shyqqan páterdiń ıeleri úıinde bolmaǵandyqtan órtti syrttan sóndirýge týraly keldi.
«Órt Borovskoı shaǵyn aýdanyndaǵy 66 meken-jaıy boıynsha ornalasqan kóp qabatty úıdiń balkonynan shyqty. Qyzyl jalyn 12 sharshy metr aýmaqty sharpydy. Oǵan TJD jeke quramynan 20 adam men 6 arnaıy órt sóndirý tehnıkasy jumyldyryldy. Páter ıeleri úıde bolmaǵandyqtan órt sóndirýshiler avtosatyny paıdalanyp, órtti syrttan sóndirdi», - dedi vedomstvodan.
Sonymen birge, osy úıden 35 adam baspaldaqtyń kómegimen evakýatsııalandy. Jedel áreket etýdiń nátıjesinde órt saǵat 12:30-da aýyzdyqtaldy.
«Qaza bolǵandar men zardap shekkender joq. Órttiń sebebi anyqtalýda», - dedi Kókshetaý qalalyq TJB bastyǵynyń mindetin atqarýshy Maksım Shatkovskıı.
