Kókshetaýda kondýktor avtobýsty aıdap ketti
KÓKShETAÝ. QazAqparat - Kókshetaýda kondýktor jolaýshylar avtobýsyn aıdap áketken, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, aǵymdaǵy jyldyń 26 qarashasy kúni Kókshetaý qalalyq ІІB jol patrýldik polıtsııa batalonynyń qyzmetkerleri reıd kezinde jolaýshylar avtobýsyn toqtatyp, júrgizýshiniń qujattaryn teksermek bolǵan. Osy kezde 29 jastaǵy júrgizýshiniń kóliktiń syrtyna shyqqan sátin paıdalanǵan belgisiz er adam avtobýsty aıdap ketken.
Alaıda, 30 jastaǵy kúdikti alysqa ketip úlgermedi, polıtseıler ony dereý ustady. Ol osy avtobýsta kondýktor bolyp jumys isteıtini anyqtaldy. Jolaýshylar kóligin aıdap ketken kezde ol alkogoldi mas kúıinde bolǵan.
«Qazirgi kezde atalǵan faktige baılanysty QR QK 200-babynyń 1-bóligi boıynsha qylmystyq is qozǵaldy», - dep málim etti baspasóz qyzmetinen.
