Kókshetaýda kolledj stýdenti jataqhanada kóz jumdy
KÓKShETAÝ. KAZINFORM – Kókshetaýdaǵy kolledjderdiń biriniń jataqhanasynda 16 jastaǵy stýdenttiń denesi tabyldy, dep habarlaıdy agenttik tilshisi.
Aqmola oblysy polıtsııa departamentiniń málimetinshe, 2009 jyly týǵan kámeletke tolmaǵan balanyń ólimine qatysty qylmystyq is qozǵalǵan.
– Aldyn ala derekterge sáıkes, oqıǵada qylmystyq sıpat joq. Qazir oqıǵanyń naqty sebepteri men mán-jaıyn anyqtaý úshin tıisti tergeý sharalary júrgizilip jatyr, – dep málim etti vedomstvo ókilderi.
Polıtsııa qyzmetkerleri ózge aqparattar QR Qylmystyq-protsestik kodeksiniń 201-babyna sáıkes jarııa etilmeıtinin atap ótti.
Aqmola oblysynyń bilim basqarmasy resmı habarlama taratyp, 2025 jylǵy 31 qazanda Kókshetaý qalasyndaǵy jeke Qazaq gýmanıtarlyq-tehnıkalyq joǵary kolledjiniń jataqhanasynda 16 jastaǵy birinshi kýrs stýdenti qaıtys bolǵanyn rastady.
– Belgilengen tártipke saı bul aqparat dereý polıtsııa men tıisti organdarǵa jetkizildi. Qazir oqıǵa ornynda tergeý amaldary júrgizilýde. Aldyn ala boljam boıynsha, ólimniń sebebi – júrek qyzmetiniń kenetten toqtaýy, – delingen basqarma habarlamasynda.
Aıta keteıik, kúıik shalǵan balany tikushaqpen Kókshetaýǵa jetkizdi.