Kókshetaýda kólikti ruqsatsyz mingen jasóspirim jol apatyna ushyrady
KÓKShETAÝ. QazAqparat - Kókshetaýda rýlge otyrǵan kámelettik jasqa tolmaǵan bozbala jol apatyna ushyrady, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, oqıǵa 3 aqpan túngi saǵat 02:58 shamasynda Súleımenov kóshesiniń qılysynda bolǵan.
«Oqıǵa ornyn jetken tártip saqshylary «Toyota Corolla» kóliginiń 56 jastaǵy júrgizýshisi masań kúıde rýlge ıe bola almaı joldyń qarsy baǵytyna shyǵyp ketip, «Toyota Camry» kóligimen soqtyǵysqanyn anyqtady. Toyota Camry» kóliginiń júrgizýshisi kámelesttik jasqa tolmaǵan jasóspirim bolǵan. Sonymen birge, jol-kólik oqıǵasyna sebepker júrgizýshi 2019 jyly kólik quralyn basqarý quqynan aıyrylǵany belili boldy», - dedi vedomstvodan.
Budan bólek, tártip saqshylary zardap shekken «Toyota Camry» kóliginiń kámelettik jasqa tolmaǵan 17 jastaǵy júrgizýshisine qatysty da Ákimshilik quqyq buzýshylyq kodeksiniń 612-baby «Qujattary joq jáne basqarý quqyǵy joq tulǵanyń kólik quralyn basqarýy» boıynsha ákimshilik hattama toltyrdy.
«Anyqtalǵandaı, ol ata-anasynyń ruqsatynsyz kóliktiń kiltin alyp, qala kóshelerinde qydyrmaqshy bolǵan. Túngi ýaqytta jasóspirimniń zańdy ókilisiz júrgeni úshin onyń 50 jastaǵy anasynyń ústinen Ákimshilik quqyq buzýshylyq kodeksiniń 442-baby 2-bóligi boıynsha ákimshilik hattama toltyryldy», - dep tolyqtyrdy vedomstvodan.
