Kókshetaýda qoǵamdyq tərtip beınekameralar arqyly baqylanýda
KÓKShETAÝ. QazAqparat - Kókshetaýda kósheler men halyq kóp jınalatyn jerlerde ornatylatyn beınebaqylaý kameralarynyń sany artatyn bolady. Bul týraly Kókshetaý qalasy ákimdigi, «Qazaqtelekom» AQ, jergilikti polıtsııa jəne qalalyq prokýratýra birlesip ótkizgen oblys ortalyǵynyń qoǵamdyq qaýipsizdigi boıynsha jumys keńesi barysynda aıtyldy, dep habarlaıdy "QazAqparat" HAA tilshisi óńirlik kommýnıkatsııalar qyzmetine silteme jasap.
Keńeste quqyqbuzýshylyqtardyń aldyn alý maqsatynda halyq kóp jınalatyn qoǵamdyq oryndarda jəne qalanyń tysqary shaǵyn aýdandarynda beınebaqylaý kameralaryn ornatý jóninde usynys jasaldy.
«Qazaqtelekom» AQ jergilikti fılıalynyń ókilderiniń məlimeti boıynsha jyl basynan beri baılanys operatorlary oblys ortalyǵynyń kóptegen úılerinde beınebaqylaý júıesin testileýde. Kameralar statsıonarlyq kompıýterden de, sonymen birge barlyq zamanaýı gadjetterden de aýladaǵy jáne baspaldaq alańynda bolyp jatqan jaıttardy shynaıy ýaqytta baqylaı alady. Shamamen sáýir aıynan bastap, jeke tulǵalardyń ótinishteri túse bastaǵan shaqtan turǵyn-úı nysandarynda jabdyqtardyń ornatylýy bastalady. Abonenttik tólem aıyna shamamen 400 teńgeni quraıdy.
Jergilikti polıtsııa ókilderi Kókshetaý qalasynda ornatylǵan 129 analogty jáne sandyq beıne kameralar qylmysty ashýdy jeńildetip otyrǵanyn atap ótýde. 2016 jyly osyndaı beıne kameralardyń kómegimen 15 669 ákimshilik quqyqbuzýshylyqtyń joly kesilip, qala shetinde barlyǵy 120, «Qaýipsiz aýla» baǵdarlamasy boıynsha 14 qylmystyń beti ashyldy. Aǵymdaǵy jylda taǵy bes kamera ornatylatyn bolady.
Kókshetaý qalasynyń ákimi Ermek Marjyqpaev jergilikti polıtsııa qyzmetine qala prokýratýrasynyń kelisimi boıynsha qylmys kóp jasalatyn qala aýdandarynda beınebaqylaý kameralaryn ornatý oryndaryn anyqtaýǵa, TKSh bólimine «Qazaqtelekom» AQ jergilikti fılıaly ókilderiniń usynysyn qarastyrýǵa, tapsyrma berip, polıtsııa qyzmetiniń adamı resýrstaryn jetildirýge osy sharanyń ózektiligine erekshe kóńil bóldi.
