Kókshetaýda qoǵamdyq kólikte uıaly telefon urlaǵan qostanaılyq ustaldy
KÓKShETAÝ. QazAqparat - Kókshetaýda qoǵamdyq kólikte jolaýshylardyń biriniń qaltasynan uıaly telefon jymqyryp ketken kúdikti ustaldy. Bul týraly oblystyq ІІD baspasóz qyzmetinen habarlady.
Polıtseılerdiń málimeti boıynsha quqyq qorǵaý organdaryna jergilikti turǵyn, 1988 jylǵy azamatsha habarlasyp, qoǵamdyq kóliktiń ishinde belgisiz bireýdiń onyń qalasyndaǵy «Samsýng-Galaksı» uıaly telefonyn urlap ketkenin aıtyp shaǵymdanǵan. Osylaısha, oǵan baýkespe ury 75 myń teńge shyǵyn keltirgen.
Jedel-izdestirý sharasy barysynda 1980 jyly týylǵan Qostanaı qalasynyń turǵyny qolǵa tústi.
Qazirgi kezde kúdikti ýaqytsha ustaý oqshaýlaǵyshyna toǵytylyp, ústinen QR QK 188 babynyń 2 bólimi (urlyq) boıynsha qylmystyq is qozǵaldy. Sondaı-aq, onyń buryn sotty bolǵany da belgili bolyp otyr.
