Kókshetaýda qoǵamdyq kólikpen jol júrý aqysy qymbattaýy múmkin
KÓKShETAÝ. QazAqparat - Tamyz aıynan bastap, Kókshetaýda qoǵamdyq kólikte jol júrý aqysy qymbattaýy múmkin. Bul týraly óńirlik kommýnıkatsııalar qyzmetinde ótken brıfıngte jolaýshylar tasymalymen aınalysatyn kompanııa ókilderi məlim etti, dep habarlaıdy QazAqparat tilshisi.
Brıfıngte aıtylǵandaı jol júrý aqysyn kóterýge oblys ortalyǵyndaǵy avtoparkterdiń shyǵyndarynyń shamadan tys kóbeıip ketýi sebep bolyp otyrǵan kórinedi. Osy maqsatta tasymaldaýshy kompanııalar qala ákimdigine tarıfti kóterý týraly birneshe ret usynys jasaǵan. Jaqynda bul usynys qalalyq máslıhattyń kezekti sessııasynda qoldaý tapqan.
«Jolaqy baǵasyn eresekterge - 80, balalarǵa - 40 teńgege deıin ósirýdi usyndyq. Óıtkeni, qazirgi kezdegi naryqtaǵy baǵa joǵary. Janar-jaǵarmaı, kommýnaldyq tólemderdi bylaı qoıǵanda, avtobólshekterdiń baǵasy edáýir ósti. Oǵan qosa, júrgizýshilerdiń eńbekaqysy bar. Munyń bəri jol aqysyn ósirýge ákelip otyr. Onysyz bolmaıdy», dep túsindirdi «Kókshetaý avtobýs parki» JShS dırektory, qalalyq máslıhattyń depýtaty Ásııa Shárimova.
Eske sala keteıik, Kókshetaýda 2014 jyldan beri qoǵamdyq kólikte jol júrý aqysy eresektege 60 teńge, balalarǵa 30 teńge bolyp belgilengen edi.
