Kókshetaýda qazynaly qarııalarǵa qurmet kórsetildi
KÓKShETAÝ. QazAqparat – Aqmola oblysynyń ákimi Ermek Marjyqpaev Halyqaralyq qarttar kúnine oraı qazynaly qarııalarǵa qurmet kórsetti, dep habarlaıdy QazAqparat tilshisi.
«Kókshetaý» mádenıet saraıynda ótken saltanatty sharada aımaq basshysy QR Prezıdenti Qasym-Jomart Toqaevtyń qarttarǵa qamqorlyq jasaýdaǵy saılaýaldy baǵdarlamasyndaǵy mindetterine toqtala kele, búgingi jarqyn tarıhtyń jasampaz betterin jazýǵa soǵys ardagerleri men múgedekteri, eńbek ardagerleri, zeınetkerler óz zamanynda aıryqsha úles qosqanyn atap ótti.
«Jyl saıyn biz halyqaralyq qarttar kúnin atap ótýdi dástúrge aınaldyrdyq. El damýyna súbeli úles qosyp, óskeleń urpaq tárbıesin nazardan tys qaldyrmaı, úlgi-ónege kórsetip otyrǵan qarttardy kurmetteý - basty paryzymyz», - dedi aımaq basshysy quttyqtaý sózinde.
Sharada bir top qarııa Aqmola oblysy ákiminiń alǵys hattarymen jáne estelik syılyqtarymen marapattaldy.
Aıta keteıik, qazir oblysta júz myńnan astam qarııa bar, onyń ishinde 43-shi – soǵys ardageri. Ardagerler tyń ıgerý naýqanyna da belsene qatysyp, eren eńbektiń úlgisin kórsete aldy. Sol úshin búgingi urpaq olarǵa árdaıym bas ıedi.
Saltanatty jıynda oblys ákimi Ermek Marjyqpaev qarttarǵa uzaq ǵumyr, myqty densaýlyq, baıandy baqyt tiledi.
Shara merekelik kontsertke ulasyp, jergilikti ónerpazdar án men kúıden shashý shashty.
