Kókshetaýda «Qazaqstan: jetistikter tarıhy» atty ıntellektýaldy-shoý uıymdastyryldy
M.Jumabaev atyndaǵy oblystyq ǵylymı-ámbebap kitaphanasynda uıymdastyrylǵan sharada J.Mýsın atyndaǵy Kókshetaý joǵary Qazaq pedagogıkalyq kolledjiniń «Jas urpaq» jáne Aqana seri atyndaǵy Joǵary mádenıet kolledjiniń «Bolashaq» komandalary ózara saıysty.
«Baıqaý jastardyń boıynda patrıotızm men Otanǵa degen súıispenshilik sezimderin qalyptastyrýǵa, táýelsiz Qazaqstannyń tarıhyn, qazaq halqynyń salt-dástúrlerin, mádenıetin bilip, qurmetteýge baǵyttalǵan», - deıdi Aqmola oblysynyń mádenıet, arhıvter jáne qujattama basqarmasyndaǵylar.
Komandalar Táýelsizdiktiń qalyptasýy men damýynyń negizgi kezeńderi, memlekettik rámizder, tarıhı tulǵalar, Qazaqstannyń tabıǵaty men kórikti jerleri týraly bilimderi boıynsha saıysyp, qazaq halqynyń salt-dástúrlerinen qoıylymdar qoıyp, mýzykalyq ónerlerin ortaǵa saldy.
Sonymen birge, shara qonaqtarynyń nazaryna Kókshetaý qalasy týraly «Qala tarıhy – urpaq tarıhy» atty fotokórme usynyldy.
Epıdemıologııalyq jaǵdaıǵa baılanysty is-shara áleýmettik qashyqtyqty jáne barlyq qajetti sanıtarlyq talaptardyń saqtaı otyryp ótkizildi.
