Kókshetaýda «Qazaqstan-Reseı» forýmyna qyzý daıyndyq júrip jatyr
KÓKShETAÝ. QazAqparat - Kókshetaýda «Qazaqstan-Reseı» forýmyna daıyndyq jumystary qyzý júrip jatyr. Forým ótetin basty nysan - «Bolashaq saraıynyń» qurylysy 75 paıyzǵa oryndalǵan, dep habarlaıdy QazAqparat tilshisi.
«Bolashaq saraıy» jobasynyń jetekshisi Jomart Qarsaqbaevtyń aıtýynsha, qurylys jumystary ótken jyly bastaldy. Qazirgi kezde munda 300 adam jumys isteýde. Jaqyn kúnderi taǵy qosymsha jumys kúshi tartylmaqshy. Qazan aıynda nysandy tapsyrý josparlanǵan. Fasad jáne vıtrajdar orlastyrylýda. Kókshetaýlyq mamandar, árileý, ınjenerlik jelini tartý, montajdaý jáne abattandyrý jumystarymen aınalysýda.
«Keshenniń ishki jumystaryn qajetti jabdyqtardyń basym kópshiligi jetkizilip, montajdaý jumystary júrgizilýde. Nysan bilim jáne sporttyq maqsattaǵy eki korpýstan turady. Birinshisinde horeografııa, tsıfrlyq tehnologııa, zerthana jáne akti zaly bolsa, ekinshisinde sportzal, basseın, jattyǵý zaly qarastyrylǵan. Al, ǵımarttyń syrtynda jerasty sýburqaǵy men jasyl alańqaı bolady», - Jomart Qarsaqbaev.
Jetekshi atap ótkendeı, jobanyń jalpy quny 10 mıllıard teńgege baǵalanyp otyr. «Bolashaq» saraıy Qazaqstanda ásem ǵımarat bolatyny sózsiz.
Sonymen qatar, Kókshetaý Qopa kóliniń jaǵasynda jaǵajaı qurylysy júrgizilde. Bul nysannyń da qurylysyn atalmysh forým qarsańynda aıaqtaý josparlanǵan. Elimizdiń ózge qalalaryndaǵydaı bul jaǵajaı qurylysynyń qazir 85 paıyzy oryndalǵan. Jobanyń quny 1,5 mıllıard teńgeniń shamasynda. Jalpy, uzyndyǵy bir jarym shaqyrym jaǵajaı qurylysyna eki júzdeı adam tartylǵan. Onyń júzi jumysty shıratý úshin qosymsha tartylǵan jumysshylar.
Jaǵajaı jeti aýmaqtan turatyn bolady. ıAǵnı, amfıteatr, pırs jáne baqylaý alańy bar jaǵajaı aımaǵy, rekreatsııalyq aımaq, jaǵadaǵy alleıa, balalar jáne sport alańy, eresekterge men qoǵamdyq tamaqtanýǵa arnalǵan alań, kópbeıindi jármeńke alańy men avtoturaq qarastyrylǵan.
