Kókshetaýda qaıyrymdylyq sóresi ashyldy
Vedomstvonyń málimetinshe, qazan aıynda QR jemqorlyqqa qarsy is-qımyl agenttigi men QR Bilim jáne ǵylym mınıstrligi birlesip, qoǵamda parasattylyq pen adaldyq, qaıyrymdy ister, erlikter, sondaı-aq adamdarǵa kómek kórsetý sııaqty qarapaıym ómirlik mańyzdy is-áreketter qaǵıdattaryn nasıhattaý maqsatynda «Qaıyrymdylyq akseleratory» áleýmettik jobasyn qolǵa alǵan bolatyn.
Jobanyń Aqmola oblysynda jumysyn «AQMOLA – Adaldyq Alaṅy» jobalyq keńsesi úılestirýde. Respýblıkalyq jobaǵa volonterler uıymy, stýdentter men jumys isteıtin jastar jáne óńir turǵyndary qatysýda.
«Máselen, qazan aıynda Aqmola oblysy boıynsha jemqorlyqqa qarsy is-qımyl departamentiniń qyzmetkerleri eriktilermen birge Krasnoıar kentindegi Nurly kósh aýylynyń turǵyndaryna kómir satyp áperdi. Sonymen qatar, kópbalaly otbasylarǵa azyq-túlik jáne balalarǵa kıim-keshek satyp áperdi. Budan bólek, kópbalaly otbasylarǵa ataýly áleýmettik kómek alýy úshin qujattaryn rásimdeýge kómektesti. Endi mine, Kókshetaý qalasyndaǵy «NUR» saýda úıinde «Qaıyrymdylyq akseleratory» áleýmettik jobasy sheńberinde qaıyrymdylyq sóresi ashyldy», deıdi vedomstvonyń baspasóz qyzmetindegiler.
