Kókshetaýda kásiptik baǵdar berý boıynsha úılestirýshiler semınary uıymdastyryldy
KÓKShETAÝ. QazAqparat - Kókshetaýda kásiptik baǵdar berý boıynsha úılestirýshiler semınary uıymdastyryldy, dep habarlaıdy "QazAqparat" HAA tilshisi, oblystyq bilim basqarmasynyń baspasóz qyzmetine silteme jasap.
"Arna" Kókshetaý kolledjinde "Kásibı baǵdar qyzmetinde keshendi tásil jumysy tulǵanyń tabysty áleýmettenýiniń sharty retinde» taqyrybymen ótken semınarǵa oblystyq bilim basqarmasy basshysynyń orynbasary Valerıı Gamazov men kolledj, qalalyq, jəne aýdandyq bilim berý bólimderiniń úılestirýshileri qatysty. Semınar barysynda kásibı baǵdar qyzmeti boıynsha úılestirýshilerdiń eseptik baıandamalary tyńdaldy.Oqý jylynyń 1 jartyjyldyǵy boıynsha jasalynǵan esepter úılestirýshilerdiń mektep oqýshylarymen kásibı baǵdar oqý-aǵartý qyzmeti boıynsha birshama jumystar atqarylǵanyn kórsetti. Mektep oqýshylaryna arnalǵan saýalnama, ózin-ózi kásiptik jaǵynan anyqtaý testileri ázirlengen. Oblystyń oqý oryndarynda kásibı baǵdar buryshtary, keńes berý pýnktteri ashyldy. Oblys kolledjderi óńirlik kásipkerler palatasymen birlesip aýdandardyń mektepterinde TjKB uıymdarynda oqytatyn mamandyqtar týraly baıandaıtyn stendter ornalastyryldy. Mektep jáne kásiptik baǵdar beretin kolledjdermen birlesken jumystar júrgizilýde.
Semınardyń 2-shi bóliminde úılestirýshiler ózara praktıkalyq tájirıbe almasty. Mektep úılestirýshileri orta bilim berý uıymdary oqýshylarynyń arasynda kásiptik baǵdar berý jumystaryn uıymdastyrý týraly aıtyp berdi. Óz kezeginde kolledj úılestirýshileri TjKB uıymdarynyń pedagogtarymen kásiptik baǵdar berý jumystaryn uıymdastyrý, júrgizý tásilderi men formalary boıynsha sheberlik sabaqtaryn ótkizdi.
"Semınar kezekti ret jastarmen kásiptik baǵdar berý jumystaryn júrgizýdiń mańyzdylyǵyn, kásibı baǵdar qyzmetiniń jańa ádisterin engizýdiń ózektiligi men qajettiligin kórsetti. Áleýmettik pedagogtar, psıhologtar, óndiristik oqytý sheberleri, oqytýshylar, bilim berý uıymdary dırektorlarynyń orynbasarlary ózderiniń kásiptik baǵdar berý jumystary boıynsha tájirıbe jumystarymen bólisti", dedi Valerıı Gamazov óz sózinde.
