Kókshetaýda kásipkerge qaraqshylyq shabýyl jasaǵan kúdiktiler ustaldy
KÓKShETAÝ. QazAqparat - Kókshetaýda jergilikti kásipkerge qaraqshylyq shabýyl jasaǵan kúdiktiler ustaldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, qaraqshylyq shabýyl aǵymdaǵy jyldyń 27 aqpanynda oblys ortalyǵyndaǵy meıramhana keshenderiniń birinde oryn alǵan.
«Betterin tumshalaǵan kúdiktiler jergilikti kásipkerdi pyshaqpen qorqytyp, kóliginde jatqan 8 500 AQSh dollary men 15 000 teńge aqshasyn úptep ketken. Jedel izdestirý sharasy barysynda polıtseıler meıramhana qyzmetkerleri men zardap shegýshiniń tanystary jáne osyndaı qylmysy úshin buryn sotty bolǵan adamdarǵa deıin teksergen. Nátıjesinde 28, 27 jáne 24 jastaǵy kúdiktiler ustalyp, zattaı aıǵaqtar alyndy. Kúdiktilerdiń biri zardap shegýshiniń týysy bolyp shyqty. Qaskóıler sonyń málimeti boıynsha qylmys josparyn quryp, áreket jasaǵan.
Qazirgi kezde, kúdiktiler ýaqytsha ustaý oqshaýlaǵyshyna qamalyp, QR QK 192 babynyń 2 bólimi boıynsha qylmystyq is qozǵaldy», delingen habarlamada.
