Kókshetaýda qarjy pıramıdasyn qurǵandar sottaldy

KÓKShETAÝ. KAZINFORM — Kókshetaýda «Eolus» qarjy pıramıdasyn qurǵan jáne basqarǵan, sondaı-aq ony jarnamalaýmen aınalysqan eki qala turǵynyna qatysty úkim shyqty.

Aqmola oblysy prokýratýrasy baspasóz qyzmetiniń málimetinshe, «I» jáne «X» azamattary jańartylatyn energııa kózderine ınvestıtsııa salamyz degen syltaýmen jeke tulǵalardan aqsha tartý maqsatynda, «Eolus» qarjy pıramıdasyn qurǵany jáne basqarǵany anyqtaldy. Salymshylardyń qarajaty krıptovalıýtaǵa aýdarylyp, «energyeolus.info» platformasyna aýdaryldy. Zalal somasy shamashen 10 mln teńgeni qurady. 

«Sot úkimimen «I» jáne «X» azamattary kináli dep tanylyp, 3 jyl merzimge azamattardyń qarajaty men ınvestıtsııalaryn tartýǵa baılanysty múlki tárkilenip, qyzmetpen aınalysý quqyǵynan aıyra otyryp, tıisinshe 4 jyl jáne 3 jyl 6 aıǵa bas bostandyǵynan aıyrý jazasyna kesildi. Sot úkimi zańdy kúshine engen joq», — dedi vedomstvodan.

Osy rette, Kókshetaý qalasynyń prokýratýrasy azamattardy saq bolýǵa jáne qaskúnemderdiń aılasyna túspeýge shaqyrady! «Baiqa, piramida!» botynyń jedelhattary arqyly kompanııany qarjylyq pıramıda belgilerine tekserýge bolady.

Eske salaıyq, Qosshyda salyq organynyń qyzmetkeri birneshe ret ınternet-alaıaqtyq jasaǵan.