Kókshetaýda qaraýsyz qalǵan úıdiń ishinen 3 jasar bala tabyldy
KÓKShETAÝ. QazAqparat - Kókshetaýda qaraýsyz qalǵan úıdiń ishinen 3 jasar bala tabylyp, ájesine qaıtaryldy, dep habarlaıdy QazAqparat Polisia.kz silteme jasap.
Aqmola oblysynda jazǵy maýsymda sýǵa shomylý kezinde oryn alatyn qaıǵyly jaǵdaılardy aldyn alý boıynsha qaýipsizdik sharalaryn túsindirý reıdteri ótkizilýde. Oblys ortalyǵynda júrgizilgen osyndaı reıd barysynda Kókshetaý qalasynyń qutqarý bólimshesiniń basshysy Roman Shevchenko jáne bas qutqarýshysy Erlan Japarov Qopa kóliniń jaǵasyna jaqyn mańdaǵy Naberejnyı kóshesiniń boıynda qaraýsyz qalǵan turǵyn úıdiń ishinen 2017 jylǵy ul balany tapqan. Bala esimin jáne úıiniń meken-jaıyn bilmegen.
«Qutqarýshylar balanyń ata – anasy men turatyn úı anyqtaý úshin sol mańdaǵy úılerdiń aýlalaryn aralyp shyqty. Nátıjesinde balanyń ájesi tabyldy. Bastapqyda balany urlady dep aıǵaıǵa basqan ájesi keıin jaǵdaıdy surastyra kele, nemeresin úıine jetkizgen qutqarýshylarǵa alǵysyn aıtty. Ájesiniń aıtýynsha, balanyń anasy azyq-túlik alý úshin dúkenge ketken, al ájesi oınap júrgen balanyń aýladan qalaı shyǵyp ketkenin baıqamaı qalǵan», - dep jazady Polisia.kz.
Osy rette, tártip saqshylary, turǵyndarǵa balalardy jalǵyz qaldyrmaýǵa jáne olarǵa qaýipsizdik negizderin úıretýge shaqyrady.
