Kókshetaýda karantın kezinde ıntımdik qyzmet kórsetilip kelgen saýna anyqtaldy
KÓKShETAÝ. QazAqparat – Kókshetaýda karantın kezinde ıntımdik qyzmet kórsetilip kelgen saýna anyqtaldy, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, sáýirdiń 15-de keshki saǵat 02:00 krımınaldy polıtsııa qyzmetkerleri reıd kezinde oblys ortalyǵyndaǵy saýnalardyń birinde ıntımdik qyzmet kórsetilip kelgenin anyqtady.
Zańsyz bıznes tótenshe jaǵdaı rejımi talaptary men karantıdik qatań shekteýlerge de qaramastan júrgizilip kelgen. Tártip saqshylary tekseris kezinde saýna ákimshisi men ıntımdik qyzmet kórsetetin úsh qyzdy ustady. Sondaı-aq, qyzdardy tún ortasynda saýnaǵa jetkizip otyratyn taksı júrgizýshisi de anyqtalyp, ustaldy. Er adam jeke jolaýshylar tasymalmen aınalysqan, jezókshiler ony «ındraıver» qosymshasy arqyly shaqyrtyp otyrǵan», - deıdi vedomstvodan.
PD baspasóz qyzmetinen atap ótkendeı, barlyǵy 6 adam, ıaǵnı saýnanyń 49 jastaǵy ákimshisi, basqarýshysy, 28, 25 jáne 21 jastaǵy jezóksheler, 32 jastaǵy taksı júrgizýshisi QR ÁQbK 476 baby boıynsha ákimshilik jaýapqa tartyldy. «Toıta Kamrı» aıyppul alańyna qoıylyp, úsh qyz «jezókshe» retinde esepke qoıyldy.
