Kókshetaýda karantın kezinde dámhanada tóbeleskender ustaldy
KÓKShETAÝ. QazAqparat - Kókshetaý qalasynda karantındik talaptardy buza otyryp, dámhanada jappaı tóbeles shyǵarǵan úsh er adam ustaldy, dep habarlaıdy QazAqparat tilshisi.
Oblystyq Polıtsııa departamentiniń baspasóz qyzmetiniń habarlaýynsha, dámhanalardyń birinde jappaı tóbeles oryn alǵan. Tóbeleske qatysqan 2000 jáne 1999 jyly týǵan eki kókshetaýlyq pen SQO Kishkenekól aýylynyń buryn birneshe ret sotty bolǵan 37 jastaǵy turǵyny ustalyp, polıtsııa basqarmasyna jetkizildi.
«Anyqtalǵandaı, oıyn-saýyq mekemesinde kúdiktiler tóbeles shyǵaryp, kelýshilerge dene jaraqatyn salǵany jáne múlikke zaqym keltirgeni anyqtaldy. Osy oqıǵaǵa baılanysty Qylmystyq kodekstiń 293 babynyń 3 bóligi (buzaqylyq) boıynsha sotqa deıingi is qozǵaldy», - dedi vedomstvodan.
