Kókshetaýda qaraqshylyq shabýyl jasaǵan kúdikti ustaldy
KÓKShETAÝ. QazAqparat - Kókshetaýda shaǵyn nesıe berý uıymynyń keńsesine qaraqshylyq shabýyl jasaǵan kúdikti ustaldy, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń deregi boıynsha oqıǵa aǵymdaǵy jyldyń aqpan aıynda oryn alǵan.
«Aqpannyń 16-sy kúni saǵat 16:00 shamasynda beıtanys er adam Kókshetaýdaǵy saýda úıleriniń birinde ornalasqan shaǵyn nesıe berý uıymynyń keńesesine bas kóktep kirip, pnevmatıkalyq tapanshamen qorqytý arqyly 180 myń teńgeniń úptep ketken. Qaskóı beınebaqylaý kamerasyna túsip qalsa da, betin tumshalaǵandyqtan birden ustaýǵa múmkindik bolmady.
Degenmen, keshendi túrde júrgizilgen jedel-izdestirý sharasy kezinde kúdikti 1 shilde kúni Kókshetaý qalasynda qolǵa tústi», dep kórsetilgen habarlamada.
Qazirgi kezde, kúdikti 31 jastaǵy jergilikti turǵyn ustalyp, ústinen QR QK 192-baby boıynsha sot aldy tergeý amaldary júrgizilýde. Oǵan qosa, kúdiktiniń osyndaı ózge de qylmystarǵa qatysty bar-joǵy anyqtalýda.
