Kókshetaýda Qanysh Sátbaevtyń 120 jyldyǵyna arnalǵan konferentsııa ótti
Qanysh Sátbaevtyń 120 jyldyǵyna jáne Geolog kúnine arnalǵan konferentsııaǵa Aqmola oblysy ákiminiń orynbasary Marat Iǵalıev qatysyp, quttyqtaý sóz sóıledi.
«Búgingi shara Qazaqstan ǵylymynyń negizin qalaǵan Qanysh Sátbaevtyń 120 jyldyǵy qarsańynda ótkizilip jatqany óte oryndy. Tuńǵysh Prezıdentimiz Nursultan Nazarbaev «Bolashaqqa baǵdar: Rýhanı jańǵyrý» baǵdarlamalyq maqalasynda elimizdiń damýy men gúldenýine belsendi atsalysqan adamdar umytylmaýy tıis dep atap ótken bolatyn. Belgili tulǵalardyń ortasyna Qanysh Sátpaev ta kiredi. Búgingi tańda bul jaı ǵana esim emes, elimizdiń shıkizattyq jáne ekonomıkalyq qaýipsizdigin qamtamasyz etip, Qazaqstanǵa, onyń ekonomıkasyna, halyq sharýashylyǵyna qyzmet etip jatqan geologııanyń bútin ǵasyry dep senimmen aıta alamyz»,-dep atap ótti Marat Iǵalıev.
Konferentsııada sala eńbekkerleri tósbelgi, QR Indýstrııa jáne ınfraqurlymdy damytý mınıstrliginiń Qurmet gramotasy jáne Alǵys hatymen marapattaldy.
Sharaǵa qatysýshylar Qanysh Sátbaevtyń eskertkish músinine gúl shoǵyn qoıdy.