Kókshetaýda kameraǵa túsip qalǵan júrgizýshi aıyppul arqalady
KÓKShETAÝ. QazAqparat - Kókshetaýda jaıaý júrginshini kósheniń belgilengen jerinen ótkizbegen júrgizýshi Jedel basqarý ortalyǵynyń beınebaqylaý kamerasyna túsip qaldy, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń málimetinshe, oqıǵa 18 maýsym kúni saǵat 11:30 «ıÝbıleınyı» yqshamaýdanynda bolǵan.
«Bakaleıa» dúkeniniń mańynan júrip bara jatqan «Folksvagen Passat» kóliginiń júrgizýshisi rettelmeıtin jaıaý júrginshiler jolaǵyndaǵy jas kelinshekke jol bermeı toqtamastan ótip ketken. Jol erejesin buzǵan júrgizýshini Jedel basqarý ortalyǵynyń kezekshisi, polıtsııa kapıtany Marat Qazybaı baıqap qalyp, birden jol-patrýldik polıtsııa batalonynyń avtopatrýlderine habarlaǵan. Araǵa birer mınýt salyp, jol erejesin buzǵan júrgizýshi ustalyp, QR ÁQbK-niń 600-baby 1-bólimi boıynsha ákimshilik hattama toltyryldy.
Atalmysh bapqa sáıkes júrgizýshige 10 aılyq eseptik kórsetkish kóleminde aıyppul salynady», dep túsindirdi baspasóz qyzmetindegiler.
Eske sala keteıik, jyl basynan beri Kókshetaý qalasynda Jedel basqarý ortalyǵynyń kómegimen 4 myńǵa jýyq ákimishilik quqyqbuzýshylyq tirkelgen.
Foto: cdn2.img.ria.ru
