Kókshetaýda qalanyń qurylys jobalary tanystyryldy
«Kazgrajdanproekt» JShS dırektory Vıtalıı Sıletskııdiń sózinshe, oblys ortalyǵy Kókshetaý qalasynyń aýmaǵyn ıgerý jáne damytý tujyrymdamasynda «Býrabaı» tabıǵı parki jáne Zerendi kýrorty aımaǵyn biriktiretin ekologııalyq, ekonomıkalyq jáne josparlaý júıesine qala kýrorty retinde engizilip otyr.
Sáýlet-josparlaý sheshiminiń basty ıdeıasy ol qalanyń ónerkásiptik jáne shalǵaı aýdandarynyń josparyn aıqyndaý. Oblys ortalyǵynyń bas josparyna sáıkes «Saryarqa», «Jansaıa» shaǵyn aýdandary, Qylshaqty ózeni, Shoqan Ýálıhanov kóshesiniń boıy, «Astana-Şýchınsk» jáne Zerendi baǵytyndaǵy shyǵa beriste «Nurly jer» baǵdarlamasy boıynsha turǵyn úı qurylysyn júrgizý úshin detaldyq joba daıyndaýǵa úlken mán berilip otyr.
Tanystyrylǵan jobalardyń ishinde Qopa kóliniń aınalysyn abattandyryp, qazirgi zamanǵy sáýlet qurylys nysandaryn salý qarastyrylǵan. Óıtkeni, qalanyń bas josparynda da osy Qopa kóliniń jaǵalaýyn zamanaýı úlgide qaıta jaraqtandyrýǵa kóńil bólinip otyr. Óıtkeni bul jer qalanyń eń kórikti ári demalysqa yńǵaıly jeri.
Almatylyq «Ýrbostıl» JShS basshysy QR Qala qurylysy odaǵynyń prezıdenti Lıýbov Nysanbaeva qalanyń soltústik bóligindegi jańa shaǵyn aýdan (122 gektar) jáne temirjol vokzaly aýmaǵy tárizdi eki ýchaskeniń detaldy jobasyn tanystyrdy. Ol óz sózinde, temirjol vokzalynyń mańyndaǵy eski jer úılermen birge eki qabatty ǵımarattardy da aýystyrý qajettigin aıtty. Bul nysandardyń ornyna jańa balabaqsha, mektep, kópsalaly keshender turǵyzylady. Infraqurylym jańartylyp, sol mańdaǵy Qylshaqty ózeniniń boıyna jaıaý júrginshilerge arnalǵan jáne velosıped jolyn tóseý qarastyrylǵan.
«Soltústik» shaǵyn aýdany, Z.Temirbekov, M.Áýezov, V.Kýıbyshev, ıÝ.Gagarına, B.Momyshuly, Naberejnaıa kósheleriniń, Borovskoı shaǵyn aýdany, №20 orta mektep pen «ıÝjnyı» tutynýshy kooperatıvi mańyndaǵy aýmaqtyń jobasy tanystyryldy. Aǵymdaǵy jyly Gorkıı kóshesiniń Abaı, S.Júnisov jáne Áýezov kóshelerimen qıylysyn jańǵyrtý jumystary qolǵa alynady.
Jobalarmen tanysqan aımaq basshysy jobalaýshylardyń jumysyna oń baǵasyn berdi. Jańa Kókshetaýdyń jaıaý júrginshiler men avtokólik júrgizýshileri úshin qolaıly logıstıka, kommertsııalyq alańdary men saıabaǵy bar, ınfraqurylymy damyǵan qala bolýy qajettigin aıtty.
Jobalaý kezinde «Smart Sıtı» prıntsıpi jáne jańa tehnologııalar men materıaldardyń bolýyn eskertti. «Nurly jer» baǵdarlamasyn júzege asyrý men kommertsııalyq maqsattaǵy nysandardy salýda jergilikti qurylys kompanııalary men qurylys materıaldaryn qoldaný kerektigin eskertti.
