Kókshetaýda iz-túzsiz joǵalǵan boıjetken qonaqúıden tabyldy
KÓKShETAÝ. QazAqparat - Aqmola oblysynda iz-túzsiz joǵalǵan 20 jastaǵy Aısholpan Syzdyqova tabyldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, boıjetken jergilikti qonaq úıden tabylǵan.
«Jedel-izdestirý sharasy barysynda polıtsııa qyzmetkerleri qyrkúıektiń 28-de keshke qaraı joǵalǵan qyzdy Kókshetaý qalasyndaǵy qonaq úılerdiń birinen tapty. Boıjetken otbasylyq túsinispeýshilikten úıinen ketip qalǵan. Oǵan qatysty zańǵa qaıshy áreket jasalmaǵan jáne onyń ómirine qaýip tónip turǵan joq», - deıdi vedomstvodan.
Eske sala keteıik, 28 qyrkúıek kúni Aqmola oblysynda iz-túzsiz joǵalǵan 20 jastaǵy qyzǵa izdeý jarııalanǵan bolatyn.
