Kókshetaýda iz-túzsiz joǵalǵan 38 jastaǵy áıel izdestirilip jatyr
Aqmola oblystyq polıtsııa departamenti baspasóz qyzmetiniń málimetinshe, bıylǵy jylǵy jeltoqsannyń 13-de Kókshetaý qalalyq PB kezekshi bólimine oblys ortalyǵynyń 59 jastaǵy turǵyny júginip, iz-túzsiz joǵalǵan áıeli 1984 jyly týǵan Lıýdmıla Vladımırovna Ershovany izdep tabýǵa kómek suraǵan. Er adamnyń sózinshe, áıeli jeltoqsannyń 11-de úıinen shyǵyp ketken, sodan qaıtyp oralmaǵan.
«Bastapqyda er adam ózi izdep kórgen, alaıda odan nátıje bolmaǵan soń polıtsııadan kómek surady. Osyǵan baılanysty Kókshetaý qalalyq PB jeke quramy men kúshteri baǵdarlandy. Polıtsııanyń barlyq bólimshelerine joǵalǵan áıeldiń sýreti men belgileri týraly baǵdarlar jiberildi, joǵalǵan adamnyń ornalasqan jerin anyqtaý boıynsha izdestirý is-sharalary júrgizilip jatyr», - dedi vedomstvodan.
Joǵalǵan áıeldiń boıy 165-170 sm, dene bitimi ortasha, shashy boıalǵan, qońyr tústi. Ústine sur tústi toqylǵan qalpaq, qoıý sıren tústi kúrte, qara shalbar, qara qysqy etik (ýggı).
Osy rette, polıtsııa qyzmetkerleri joǵalǵan áıeldiń ornalasqan jeri týraly aqparaty bar kez-kelgen adamnan 8 (7162) 29-96-00 telefon nómiri nemese 102 jelisi arqyly habarlasýdy suraıdy.
Aıta ketsek, Aqmola oblysynda qylmys 19 paıyzǵa tómendedi.