Kókshetaýda iz-túzsiz joǵalǵan 16 jasar qyz izdestirilýde

KÓKShETAÝ. QazAqparat - Kókshetaýda 16 jasar qyz iz-túzsiz joǵalyp ketti. Polıtsııa izdeý jarııalady, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.

Vedomstvonyń málimetinshe, bıylǵy 5-sáýirde Kókshetaý qalalyq polıtsııa basqarmasynyń kezekshi bólimine oblys ortylyǵynyń turǵyny habarlasyp, 2006 jylǵy kámelettik jasqa tolmaǵan sińilisi Toıbazar Leıla Ashatqyzynyń joǵalǵanyn aıtty.

Ótinish ıesiniń sózinshe, joǵalǵan qyz 2023 jylǵy 4 sáýirde saǵat 16:00 shamasynda úıinen shyǵyp ketken. Sodan habarsyz, qaıda ekeni belgisiz.

Joǵalǵan qyzdyń belgileri: boıy - 150-155 sm, dene bitimi aryqsha kelgen, shashy qara, qysqa qıylǵan, kózderi - qońyr.

Ústinde kúńgirt jasyl tústi kúrte, qara tústi shalbar, qara tústi krossovka kıgen.

«Kókshetaý qalalyq polıtsııa basqarmasynan barlyq aýmaqtyq bólimshelerge kámeletke tolmaǵannyń belgileri bar baǵdarlaý joldandy. Jedel-izdestirý is-sharalaryna Kókshetaý qalasy polıtsııa basqarmasynyń jeke quramy jumyldyryldy, kámeletke tolmaǵan qyzdyń turatyn aýdanyndaǵy beınebaqylaý kameralarynyń jazbalary zerdelenýde, qalanyń basqa aýdandary da pysyqtalýda, qyzdyń jaqyn týystary men dostary suraldy. Polıtseıler yqtımal ornalasqan jerlerin tekserýde. Joǵalǵan adamdy tabýǵa eriktiler de kómektesýde», - dedi vedomstvodan.

PD baspasóz qyzmetinen atap ótkendeı, kámelettik jasqa tolmaǵannyń belgileri bar baǵdarlar Whats app messendjerindegi áleýmettik jeliler men chattarda ornalastyrylǵan. Qazirgi ýaqytta L.A.Toıbazardyń ornalasqan jerin anyqtaý boıynsha izdestirý sharalary jalǵasýda.

«Onyń ornalasqan jeri týraly qandaı da bir aqparatqa ıe adamdardyń barlyǵynan Kókshetaý qalasynyń polıtsııa basqarmasyna Sátpaev kóshesi, 1 «a» mekenjaıy boıynsha nemese telefon arqyly habarlaýdy suraımyz 8-(7162)-25-78-05, 8-747-352-16-95 nemese 102», - dep tolyqtyrdy vedomstvodan.

Aıta ketsek, budan buryn Kókshetaýda 9 qabatty úıdiń shatyrynan qulaǵan bozbalanyń kóz jumǵanyn jarııalaǵan edik.