Kókshetaýda iz-tússiz joǵalyp ketken 26 jastaǵy er adam izdestirilýde
KÓKShETAÝ. QazAqparat - Kókshetaýda iz-tússiz joǵalyp ketken 26 jastaǵy er adam izdestirilýde. Bul týraly oblystyq ІІD baspasóz qyzmetinen habarlady.
Polıtseılerdiń deregi boıynsha 1989 jylǵy Kýlakovskıı Nıkolaı Nıkolaevıch aǵymdaǵy jyldyń 18 maýsymynda úıinen shyǵyp ketip, qaıtyp oralmaǵan.
«Onyń bet-álpeti eýrpalyq násildi, boıy 175-180 sm shamasynda, dene bitimi myǵym, shashtary qara. Ústinde qara jeıde, qara djınsı, qyzyl sporttyq aıaq kıim (krassovka) kıgen. Joǵalǵan azamat týraly qandaı da aqparat biletin adamdar bolsa, 29-96-47, 8707 119 87 19 nemese 102 arnaıy nómirine habarlasýyna bolady», dep kórsetilgen habarlamada.
