Kókshetaýda iz-tússiz joǵalǵan zeınetker izdestirilýde
KÓKShETAÝ. QazAqparat - Kókshetaýda iz-tússiz joǵalǵan 67 jastaǵy zeınetker Saǵymbek Qappasuly Muqanjanov izdestirilýde. Bul týraly QazAqparat tilshisi Aqmola oblystyq PD baspasóz qyzmetine silteme jasap habarlaıdy.
Vedomstvonyń málimetinshe, 7 sáýirinde Kókshetaý qalalyq PD kezekshilik bólimine áıel habarlasyp, joldasy 67 jastaǵy Saǵymbek Qappasuly Muqanjanovty izdep tabýǵa kómek suraǵan. Áıeldiń sózinshe, kúıeýi 7 sáýir kúni saǵat 14:00 úıinen shyǵyp, qaıtyp oralmaǵan. Sodan beri onyń qaıda júrgeni belgisiz.
«Tártip saqshylaryna belgili bolǵandaı, zeınetker 2- toptaǵy múgedek, umytshaq, qulaǵy durys estimeıdi. Buǵan deıin de 1-2 kúnge úıden ketip qalyp, týystary tapqan», - deıdi vedomstvodan.
PD baspasóz qyzmetindegiler atap ótkendeı, joǵalǵan er adamnyń samaıynda otadan keıin qalǵan tyrtyǵy, sol jaq ıyq tusynda áıel adamnyń tatýırovkasy bar. Boıy 170-175 sm shamasynda, ortasha deneli, aq shashty, qysqa qıylǵan. Basyna toqylǵan qara shápke, ústine komýflıash kúrtke, jasyl tústi shalbar, aıaǵyna qara báteńke kıgen.
Іzdestirý sharalaryna Aqmola oblysynyń PD jeke quramy tartyldy. Tártip saqshylary joǵalǵan Saǵymbek Muqanjanovty kórgen nemese júrgen jerin biletin adamdar bolsa, «102» arnaıy jelige habarlaýdy suraıdy.
