Kókshetaýda ІІІ aımaqtyq teatrlar festıvali ótedi
Mádenıet, arhıvter men qujattamalar basqarmasynyń habarlaýynsha, is-sharany 17-20 qyrkúıek aralyǵynda ótkizý josparlanǵan. Merekege Qaraǵandy, Qostanaı, Pavlodar jáne Petropavldaǵy oblystyq qazaq teatrlary qatyspaq.
«Bıyl Kókshetaý Qazaqstannyń mádenı astanasy bolyp jarııalandy. Jyl boıy mádenıet jáne óner uıymdary elimizdiń barlyq óńirlerinen Kókshetaýǵa kelip, óz jetistikterin nasıhattaıdy, túrli konkýrstarǵa qatysady, kórmeler, kontsertter uıymdastyrady. Bul úrdisti jalǵastyra otyryp, qyrkúıek aıynda oblys ortalyǵynda aımaqtyq teatrlarynyń festıvali ótedi, ol sózsiz ónerdiń naǵyz merekesine aınalady», - dep atap ótti oblystyq vedomstvonyń basshysy Aıgúl Sábıtova.
Teatrlarynyń festıvali oblystyq qazaq mýzykalyq drama teatrynda ótedi. Atalmysh teatrdyń qurylǵanyna bıyl 25 jyl toldy. Shırek ǵasyr ishinde mádenıet oshaǵy sahnasynda kórermenderge kóptegen spektakl, qoıylym, mýzykalyq komedııa usynyldy, olardyń jetistikterin mekemeniń naǵyz kásipqoılary — shyǵarmashylyq ujymdarynyń tamasha jumysy anyqtady.
Oblystyq teatr óziniń jańa XXV teatr maýsymyn 9 qyrkúıekte «Tenderge túsken kelinshek» dramasynyń premerasymen ashady. Adamı qundylyqtardy dáripteıtin jáne qoǵam máselelerin qozǵaıtyn spektakldiń qoıýshy-rejısseri Qazaqstan Respýblıkasynyń Eńbek sińirgen qaıratkeri Orazhan Kenebaev.
Kórermenderdiń qaýipsizdigi úshin teatr maýsymy Ashyq qosymshasy arqyly pılottyq rejımde ótedi.
Aıta keteıik, «Kókshetaý - Qazaqstannyń mádenı astanasy» jobasy aıasynda oblys ortalyǵynda birqatar is-sharalar ótkizildi. Olardyń qatarynda « Alty alashtyń Jambyly « jyljymaly kórmesi, «Uly dala jaýhary « kórmesi, «Án súıgen kerbez Kókshe « estradalyq án jas oryndaýshylardyń onlaın baıqaýy bar.