Kókshetaýda halyqqa qyzmet kórsetý ortalyqtarynyń jumys kestesi ózgerdi
KÓKShETAÝ. QazAqparat – Kókshetaýda karantındik sharalardyń kúsheıtilýine baılanysty halyqqa qyzmet kórsetý ortalyqtary jumys kestesin ózgertti. Bul týraly QazAqparat tilshisi «Azamattarǵa arnalǵan úkimet» memlekettik korporatsııasyna silteme jasap habarlaıdy.
Aqmola oblysynyń bas sanıtarlyq dárigeriniń «Aqmola oblysy aýmaǵynda koronavırýstyq ınfektsııasyn aldyn alý maqsatynda karantındik sharalardy kúsheıtý týraly» 14.06.2020 jylǵy №73 qaýlysyna sáıkes qalalyq halyqqa qyzmet kórsetý ortalyqtary azamattardy saǵat 10:00-16:00 qabyldaıtyn bolady.
«Osyǵan baılanysty Kókshetaý qalasynyń turǵyndary qyzmet kórsetý bólimderinde qyzmet alý úshin aldyn ala saǵat 15:30 kezekti brondaýy kerek. Odan keıin brondaý jaramsyz dep esepteledi. Arshaly, Astrahan jáne Tselınograd aýdanyndaǵy HQO osyndaı rejımde jumys isteıdi. Al, basqa aýdandardaǵy qalǵan bólimder azamattardy 9:00-17.00 jumys isteıdi», - dep tolyqtyrdy memlekettik korporatsııadan
Aıta keteıik, koronavırýs ınfektsııasynyń taralaýy jıilep ketýine baılanysty maýsymnyń 15-i keshki saǵat 20:00 bastap Kókshetaý qalasynda 7 blokpost qaıtadan qoıylyp, karantındik shekteý sharalary kúsheıtildi.