Kókshetaýda halyqaralyq komedııalyq teatr festıvali ótip jatyr
Shahmet Qusaıynov atyndaǵy oblystyq qazaq mýzykalyq drama teatrynda shymyldyǵyn ashqan teatr festıvaline 9 atalym boıynsha Qazaqstan, Ózbekstan, Qyrǵyzstan teatrlary qatysýda.
Festıvaldiń ashylýyna Aqmola oblysy mádenıet basqarmasynyń basshysy Aıgúl Sábıtova, Halyq artisi, teatr jáne kıno aktery, teatr pedagogy Tilektes Meıramov, TÚRKSOI uıymyna múshe elderdiń memlekettik teatrlary basshylary keńesiniń úılestirýshisi, Ázerbaıjandaǵy ókili Elchın Gafarlyny, T.Júrgenov atyndaǵy qazaq ulttyq óner akademııasynyń Ónertaný fakýlteti dekany, ónertaný kandıdaty, «Teatr óneri tarıhy men teorııasy» kafedrasynyń professory, teatrtanýshy Merýert Jaqsylyqova, Eýrazııa teatr qaýymdastyǵynyń Ázerbaıjan elindegi ókili ıÝsıf Djafarov jáne qoǵam qaıratkeri, jazýshy – dramatýrg Jabal Erǵalıev qatysyp, teatr ónerin damytýdaǵy oılarymen bólisti.
«Elimizde teatr óneriniń mádenıet salasynda alatyn orny erekshe. Oblysymyzda tuńǵysh ret uıymdastyrylyp otyrǵan festıval osy teatrlar arasyndaǵy shyǵarmashylyq baılanysty nyǵaıtyp, akterlerdiń shyǵarmashylyq sheberlikterin shyńdaýǵa, sondaı-aq, kórnekti Memleket qaıratkeri Temirbek Júrgenovtiń esimin ulyqtaýǵa, teatr ónerindegi komedııa janryn dáripteýge, jurtshylyq nazaryn qazirgi zamanǵy komedııa janryna jáne jańa teatrlyq úderiske aýdarýǵa baǵyttalǵan», - dep atap ótti Aqmola oblysy mádenıet basqarmasynyń basshysy Aıgúl Sábıtova.
Festıval shymyldyǵy Astana qalasy ákimdiginiń «Jastar teatry» «Prank-Mahabbat» komedııasymen ashyldy. Bes kúnge sozylatyn festıval barysynda aqmolalyq kórermender Ózbekstan Respýblıkasynyń memlekettik áskerı «Turan» teatrynyń «Tıllo tabassýmlar» komedııasyn, Іlııas Omarov atyndaǵy Qostanaı oblystyq qazaq drama teatrynyń «Sultannyń aty sultan» komedııasyn, Toktobolot Abdýmomynov atyndaǵy Qyrǵyz Memlekettik akademııalyq teatrynyń «Alda jash jýbaılar, aı» komedııasyn, Shymkent qalalyq ázil-syqaq jáne satıra teatrynyń «Aıman-Sholpan» komedııasyn, Raıymbek Seıtmetov atyndaǵy Túrkistan qalasynyń sazdy-drama teatrynyń «Týrandot hanshaıym» komedııasyn, Júsipbek Aımaýytov atyndaǵy Pavlodar oblystyq qazaq mýzykalyq-drama teatrynyń «Venetsııalyq egizder» komedııasyn, Bıken Rımova atyndaǵy Taldyqorǵan drama teatrynyń «Qazaqy komedııa» komedııasyn, Ázirbaıjan Mámbetov atyndaǵy memlekettik drama jáne komedııa teatrynyń «Charlı Chaplın» tragıkomedııasyn tamashalaı alady.
Aıta ketsek, Naýryz Tahi kókshetaýlyqtarǵa merekelik kóńil kúı syılady.
