Kókshetaýda Golovkınge arnalǵan fleshmob ótti

KÓKShETAÝ. QazAqparat - Kókshetaýdaǵy BMW avtoqaýymdastyǵy Gennadıı Golovkınge qoldaý bildirý maqsatynda jeńil kólikterden fleshmob uıymdastyrdy, dep habarlaıdy QazAqparat tilshisi.

Aktsııanyń vıdeosy BMW avtoqaýymdastyǵynyń Instagram jelisinde jarııalandy. Onda 20-ǵa jýyq mashına «GGG» jazýyn kórsetip, tizbektelip tur. Sondaı-aq beıneúzindide kólikterdiń asfalt ústindegi drıftin kórýge bolady. Áleýmettik jeli qoldanýshylary fleshmobqa jáne 16 qyrkúıek kúni meksıkalyq boksshy Saýl Alvaresten jeńilgen qazaqstandyq kásipqoı boksshy Gennadıı Golovkınge qatysty túrli pikirler qaldyrýda.

Biri: «Durys, ol bizdiń chempıon jáne solaı bolyp qala beredi» dese, endi biri Genanyń jeńilgenine əli de senbeıtinin jazady.

«GGG» árıne, Kanelodan myqty. Eger sońǵy kezdesýdi tarazylasaq «GGG» baryn salǵan joq. Meniń oıymsha, onyń budan da jaqsy óner kórsetýge múmkindigi bar. Ol ózi jeńilgisi kelgen sııaqty», dep jazady «mart_ell» akkaýntymen tirkelgen qoldanýshy.

Eske salaıyq, Golovkın - «Kanelo» rematchy 16 qyrkúıek kúni Amerıka Qurama Shtattarynyń Las Vegas qalasyndaǵy T-Mobile Arena-da ótken bolatyn. Nátıjesinde otandasymyz tóreshiler sheshimimen (113-115, 114-114, 113-115) jeńilip, WBA Super, WBC jáne IBO tujyrymdary boıynsha orta salmaqtaǵy chempıondyq beldikterinen aıyryldy. Olardyń birinshi aıqasy byltyr teń nátıjemen aıaqtalǵan edi. 

Posmotret etý pýblıkatsııý v Instagram

GGG lýchshıı??? Avto soobşestvo BMW g. Kokshetaý zamýtılı vot takýıý podderjký, smotrıtsıa konechno ochen krýto🔥🔥🔥 @bmwclubkokshetau Otmechaıte v komentarııah @gggboxing vdrýg on vse takı ývıdet dannyı rolık⬇️ #kokshevıdeogrammgolovkın

Pýblıkatsııa ot KOKShETAÝ KZ LıÝDI NOVOSTI (@kokshevideogram) 18 Sen 2018 v 12:59 PDT