Kókshetaýda «Ǵasyrlar úni» festıvali ótti

KÓKShETAÝ. QazAqparat - Kókshetaýda «Rýhanı jańǵyrý» baǵdarlamasy sheńberinde «Ǵasyrlar úni» 2-shi óńiraralyq folklorlyq-etnografııalyq festıvali ótti, dep habarlaıdy QazAqparat tilshisi.

Úkili Ybyraı atyndaǵy Aqmola oblystyq fılarmonııasynda uıymdastyrylǵan sharaǵa Astana, Almaty qalalary men Atyraý, Qyzylorda, Ońtústik Qazaqstan jəne Aqmola oblystarynan kelgen álemdik deńgeıdegi mýzykanttar men folklorlyq ansamblder qatysyp, óz ónerlerin kórsetti.

«Ǵasyrlar úni» festıvaliniń negizgi maqsaty - qazaqy dástúrdi dáripteý, ulttyq aspaptar men kúılerdi halyq arasynda nasıhattaý.
 

Festıvalde jergilikti óner sheberleri men Atyraý, Ońtústik Qazaqstan oblystary men Astana qalalarynan kelgen tanymal ulttyq mýzykalyq-folklorlyq ansamblderdiń oryndaýyndaǵy shyǵarmalar kópshiliktiń kóńilinen shyqty. Al keshtiń «tuzdyǵy» - osy festıvaldiń kórkemdik jetekshisi Edil Hýsaıynovtyń jetigen, sazsyrnaı, sybyzǵy tárizdi qazaqtyń mýzykalyq aspaptarynda oryndaǵan kúıleri qulaqtan kirip, boıdy alǵandaı áser qaldyrdy.

Shara sońynda sahna tórine shyqqan barlyq ónerpazdarǵa oblys ákimi Məlik Myrzalınniń atynan yqylas gúlshoǵy syıǵa tartyldy.