Kókshetaýda gastroler-urylar ustaldy
KÓKShETAÝ. QazAqparat - Kókshetaýda gastroler-qalta urylary qolǵa tústi. Qazirgi kezde bireýdiń múlkin urlaý boıynsha olardyń 7-i qylmysqa qatysy bary anyqtaldy, dep habarlaıdy QazAqparat tilshisi ІІD baspasóz qyzmetine silteme jasap.
Vedomstvonyń məlimeti boıynsha, qyrkúıektiń 10-y kúni Kókshetaý qalalyq ІІB ortalyq bazardaǵy saýda úıleriniń birindegi zergerlik buıymdar satatyn dúńgirshektiń qyzmetkeri aryzdanǵan. Onyń aıtýynsha, beıtanys jastar quny 300 myń teńgeniń altyn buıymdaryn úptep ketken.
Sol kúni ortalyq bazarda qalta urlyǵy oryn alǵany týraly taǵy birneshe aryz tústi. Bul joly qaskóıler əmıan, aqsha jəne uıaly telefon urlaǵan.
"Tergeý amaldary kezinde polıtseıler Kókshetaýǵa elimizdiń ózge oblystarynan gastroler-qalta urylarynyń kelgenin anyqtaǵan.
Jedel izdestirý sharasy barysynda qaladaǵy lombardtardyń birine əshekeı buıymdardy tapsyrý kezinde kúdiktiler ustaldy. Olardan zergerlik buıymdar men 6 uıaly telefon tərkilendi", dep kórsetilgen habarlamada.
Qazirgi kezde Taraz qalasynyń 18 jastaǵy, Qaraǵandy oblysynyń 23 jastaǵy jəne Almaty oblysynyń 33 jastaǵy turǵyndary ustalyp, ústerinen QR QK 188 babynyń 2 bólimi (urlyq) boıynsha sotqa deıingi tergeý amaldary júrgizilýde.
