Kókshetaýda Ǵalym Elemesovtiń 90 jyldyǵyna arnalǵan eske alý sharasy ótti
Aqmola oblystyq prokýratýrasy ǵımaratynyń aldynda uıymdastyrylǵan sharaǵa Qazaqstan Respýblıkasy Bas prokýrorynyń orynbasary Marat Ahmetjanov, Aqmola oblysynyń ákimi Ermek Marjyqpaev, Ǵalym Elemesovtiń týǵan-týysqandary, zamandastary jáne áriptesteri qatysyp, eskertkishine gúl shoqtaryn qoıdy.
QR Bas prokýrorynyń orynbasary Marat Ahmetjanov QR Bas prokýrory Ǵızat Nurdáýletovtyń osy sharaǵa arnaıy joldaǵan hatyn oqyp berdi.
«Ótkensiz bolashaq joq ekenin barshamyz bilemiz», - dep aıtty aımaq basshysy Ermek Marjyqpaev. – «Búgin biz tanymal tulǵany eske alyp otyrmyz. Búgingi tańda Kókshetaý qalasynda Ǵalym Elemesov atyndaǵy kóshe men eńseli eskertkishi bar. Ol óziniń bilimi, talapshyldyǵy jáne adaldyǵynyń arqasynda búkil respýblıkaǵa abyroıly bola bildi».
Aıta keteıik, Ǵalym Bájimuly 1989 jyly Aqmola oblysynda dúnıege kelgen. Zańgerlik ınstıtýtyn bitirgen soń óziniń eńbek jolyn 1951 jyly Kókshetaý qalalysynyń prokýratýrasynda bastap, birqatar jaýapty laýazymdy qyzmetterdi atqarǵan. Kókshetaý jáne Semeı óńirlerinde oblys prokýrorynyń orynbasary bolǵan. 1975 jyly SSSR Joǵarǵy sotynyń múshesi bolyp saılanyp, keıin Qazaq SSR Joǵary sotynyń tóraǵasy qyzmetine taǵaıyndalǵan. Qazaq SSR Bas prokýrory bolyp júrgen kezinde de ózine júktelgen jaýapty mindetti abyroımen atqara bildi. Ol uzaq jylǵy eren eńbegi úshin birqatar memlekettik nagradalarmen marapattalǵan.
