Kókshetaýda «Eýro-5» talabyna saı avtobýstar synaqtan ótkiziledi
KÓKShETAÝ.QazAqparat - Kókshetaýda jolaýshylar avtobýsyn jańǵyrtý jobasy júzege asyrylýda, dep habarlaıdy QazAqparat tilshisi.
Óńirlik kommýnıkatsııalar qyzmetiniń málimetine qaraǵanda, atalmysh joba boıynsha qalalyq avtoparkterdegi avtobýstardyń 40-50 paıyzyn jańǵyrtý josparlanǵan.
Osy maqsatta avtobýstardyń tutynýshylyq, paıdalaný merzimi jəne ekonomıkalyq múmkindikteri saralanyp, qoǵamdyq tyńdaýlar ótkizildi. Aǵymdaǵy jyldyń 11 jeltoqsanynan bastap, 16 jeltoqsanǵa deıin Kókshetaý qalasy boıynsha "Eýro-5" talabyna saı úlken jəne shaǵyn avtobýstar synaqtan ótkiziledi.
Keıin dılerler men avtobýs shyǵarýshylar qala ákimdiginiń sheshimimen qandaı avtobýstardyń qoldanysqa qajet ekenin anyqtaıtyn bolady.
Sondyqtan, synaq merzimi kezinde qalanyń kez kelgen turǵyny bul jańa qoǵamdyq kólikterge qatysty qyzmet sapasy jóninde usynys jasaı alady. Ol úshin (87162) 90-10-80 telefon nómiri arqyly Call-ortalyqqa habarlasýyna bolady.
